ജിദ്ദ: അറബ് ലോകത്ത് ഏറ്റവുമധികം കരുതല്‍ സ്വര്‍ണ ശേഖരമുള്ള രാജ്യമായി സഊദി മാറി. സഊദിയുടെ പക്കലുള്ള കരുതല്‍ സ്വര്‍ണശേഖരം 323.07 ടണ്‍ ആയി ഉയര്‍ന്നതായി അന്താരാഷ്ട്ര നാണയ നിധിയുടെ ഏറ്റവും പുതിയ കണക്കുകള്‍ വ്യക്തമാക്കുന്നു. ആഗോള തലത്തില്‍ ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ള രാജ്യങ്ങളുടെ പട്ടികയില്‍ സഊദി അറേബ്യ 15ാം സ്ഥാനത്താണ്. അറബ് ലോകത്ത് രണ്ടാം സ്ഥാനത്ത് ലബനാന്‍ ആണ്. ഇവിടെ 268.8 ടണ്‍ കരുതല്‍ സ്വര്‍ണ ശേഖരമുണ്ട്.
ആഗോള തലത്തില്‍ ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ള രാജ്യങ്ങളുടെ പട്ടികയില്‍ ലബനാന്‍ 19ാം സ്ഥാനത്താണ്. ലോകത്ത് ഏറ്റവുമധികം കരുതല്‍ സ്വര്‍ണ ശേഖരമുള്ള ആദ്യ 20 രാജ്യങ്ങളുടെ പട്ടികയില്‍ മറ്റു അറബ് രാജ്യങ്ങളൊന്നുമില്ല. ലോകത്ത് ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ളത് അമേരിക്കയുടെ പക്കലാണ്.