പൊന്നാനി: പൊന്നാനി എം ഐ ബി എഡ് ട്രൈയിനിംഗ് കോളജില്‍ മല്‍സ്യത്തൊഴിലാളികളുടെ മക്കള്‍ക്കുള്ള സ്‌കോളര്‍ഷിപ്പ് തുക വിതരണം ചെയ്തില്ലെന്ന് പരാതി. കഴിഞ്ഞ വര്‍ഷം പഠനം നടത്തി റിസള്‍ട്ട് ലഭിച്ച അഞ്ച് വിദ്യാര്‍ത്ഥികള്‍ക്കാണ് സ്‌കോളര്‍ഷിപ്പ് തുക വിതരണം ചെയ്യാത്തത്. ഓരോ കുട്ടിക്കും മുപ്പത്തി അയ്യായിരം രൂപയാണ് കിട്ടാനുള്ളത്. തുക വിദ്യാര്‍ത്ഥികളുടെ അക്കൗണ്ടിലേക്ക് നല്‍കാതെ മാനേജ്‌മെന്റിന്റെ അക്കൗണ്ടിലേക്കാണ് ലഭിച്ചത്. മാസങ്ങളായി തുക അനുവദിച്ചിട്ടും അത് വിതരണം ചെയ്യാന്‍ കാലതാമസം നേരിടുകയായിരുന്നുനിസാര കാരണങ്ങള്‍ പറഞ്ഞാണ് സ്‌കോളര്‍ഷിപ്പ് തുക വിതരണം ചെയ്യുന്നത് നീട്ടിക്കൊണ്ടുപോകുന്നതെന്ന് വിദ്യാര്‍ഥികള്‍ ആരോപിക്കുന്നു.