തൊടുപുഴ:  എംജി സര്‍വകലാശാലയുടെ മുട്ടം എന്‍ജിനിയിറിങ് കോളജിലെ 95  ശതമാനം സീറ്റുകളിലും പ്രവേശനം സര്‍ക്കാര്‍ ക്വാട്ടയില്‍ പെടുത്താന്‍ ഗവണ്‍മെന്റ്  ഉത്തരവായി. ഈ സീറ്റുകളില്‍  പ്രവേശനം നേടുന്ന വിദ്യാര്‍ഥികള്‍ക്ക്  35,000രൂപയാണ് ഫീസായി നിശ്ചയിച്ചിരിക്കുന്നത്.
കംപ്യൂട്ടര്‍  സയന്‍സ് ആന്‍ഡ് എന്‍ജിനിയിറിങ്, ഇലക്‌ട്രോണിക്‌സ് ആന്‍ഡ്  കമ്യൂണിക്കേഷന്‍ എന്‍ജിനിയറിങ്, ഇലക്ട്രിക്കല്‍സ്് ആന്‍ഡ്  ഇലക്‌ട്രോണിക്‌സ് എന്‍ജിനിയിറിങ്, ഇന്‍ഫര്‍മേഷന്‍ ടെക്‌നോളജി,  പോളിമര്‍ എന്‍ജിനിയറിങ് എന്നീ വിഷയങ്ങളിലാണ് ഇവിടെ പ്രവേശനം  നല്‍കുന്നത്. എംജി സര്‍വകലാശാലയുടെ പ്രത്യേക സിലബസ് അനുസരിച്ചാണ്  പഠനം.
  മാത്തമാറ്റിക്‌സ്ഫിസിക്‌സ് മുഖ്യവിഷയമായെടുത്ത്  60ശതമാനം മാര്‍ക്കോടെ ബിഎസ്‌സി പാസായവര്‍ക്കും എന്‍ജിനിയറിങ്  ഡിപ്ലോമക്കാര്‍ക്കും എന്‍ജിനിയിറിങ് രണ്ടാം വര്‍ഷത്തിലേക്ക് നേരിട്ട് പ്രവേശനം  നേടാം. വിശദവിവരങ്ങള്‍ക്ക് കോളേജ് ഓഫീസുമായി ബന്ധപ്പെടണം. ഫോണ്‍:  04862-256222, 8089816191, 9447740696.