കോഴിക്കോട്:  ഈസ്റ്റിഹില്‍ ഫിസിക്കല്‍ എജ്യുക്കേഷന്‍ കോളജിലെ വിദ്യാര്‍ഥിനി ആത്മഹത്യക്ക് ശ്രമിച്ചതുമായി ബന്ധപ്പെട്ട് അറസ്റ്റിലായ പ്രിന്‍സിപ്പലിന്റെ ചുമതലയുള്ള അധ്യാപകനെ ജാമ്യത്തില്‍ വിട്ടു. തിരുവനന്തപുരം നെടുമങ്ങാട് സ്വദേശി അഭിലാഷിനാണ് (39) ഇന്നലെ നടക്കാവ് പൊലിസ് ജാമ്യം അനുവദിച്ചത്.
സഹപാഠികളുടെ ഹോസ്റ്റല്‍ വസ്ത്രങ്ങളണിഞ്ഞുള്ള ഫോട്ടോകള്‍ കോളജ് പ്രിന്‍സിപ്പലിനയച്ചു കൊടുത്ത വിവരം പുറത്തായതിനെത്തുടര്‍ന്നായിരുന്നു വിദ്യാര്‍ഥിനി ആത്മഹത്യക്ക് ശ്രമിച്ചത്.