മാനന്തവാടി: ബസ് യാത്രക്കിടെ അരലക്ഷത്തോളം രൂപ നഷ്ടപ്പെട്ടതായി പരാതി. നല്ലൂര്‍നാട് കുന്നമംഗലം സ്വദേശിനിയായ മക്കോളില്‍ ജിജിയുടെ 48,000 രൂപയും, എണ്ണിതിട്ടപ്പെടുത്താത്ത ചില്ലറ നോട്ടുകളും, വീടിന്റെ താക്കോലുമാണ് നഷ്ട്ടപ്പെട്ടത്. മാനന്തവാടി കോഴിക്കോട് റോഡില്‍ ബസിറങ്ങിയശേഷം കൈവശമുണ്ടായിരുന്ന ബാഗിന്റെ സിബ്ബ് തുറന്ന് പണമടങ്ങിയ പഴ്‌സ് മോഷണം പോയതായി കാണുകയായിരുന്നു. തന്റെ തൊട്ടുപുറകിലായുണ്ടായിരുന്ന രണ്ട് നാടോടി സ്ത്രീകളെ സംശയിക്കുന്നതായി ഇവര്‍ പറഞ്ഞു.ആശുപത്രി രേഖകളും പണത്തോടൊപ്പം നഷ്ടപ്പെട്ടിട്ടുണ്ടെന്നും  ഇത് സംബന്ധിച്ച് ജിജി മാനന്തവാടി പൊലിസ് സ്‌റ്റേഷനില്‍ നല്‍കിയ പരാതിയില്‍ പറയുന്നു.