കോഴിക്കോട്: തെറ്റായ സത്യവാങ്ങ്മൂലം നല്‍കി മുന്‍ഗണനാ എ.എ.വൈ വിഭാഗത്തിലുള്ള റേഷന്‍ കാര്‍ഡുകള്‍ കരസ്ഥമാക്കിയവര്‍ പൊതുവിഭാഗത്തിലേക്ക് മാറ്റണമെന്ന നിര്‍ദ്ദേശം പാലിക്കാത്ത സാഹചര്യത്തില്‍ സ്‌പെഷ്യല്‍ സ്‌ക്വാഡ് മാവൂര്‍ പഞ്ചായത്തിലെ ചെറൂപ്പ, കായലം എന്നിവിടങ്ങളില്‍ നടത്തിയ പരിശോധനയില്‍ എട്ട് റേഷന്‍ കാര്‍ഡുകള്‍ പിടിച്ചെടുത്തു. കോഴിക്കോട് താലൂക്ക് സപ്ലൈ ഓഫിസര്‍ (ഇന്‍ചാര്‍ജജ്) പി.ഫൈസലിന്റെ നേതൃത്വത്തിലുള്ള സ്‌പെഷ്യല്‍ സ്‌ക്വാഡില്‍ റേഷനിംഗ് ഇന്‍സ്‌പെക്ടര്‍ പി. ഷിജേഷ്, മൊയ്തീന്‍കോയ എന്നിവരും പങ്കെടുത്തു.
റേഷന്‍ സാധനങ്ങളുടെ ന്യായവില ഈടാക്കുന്നത് ഉള്‍പ്പെടെയുള്ള നിയമനടപടികള്‍ സ്വീകരിക്കുമെന്ന് താലൂക്ക് സപ്ലൈ ഓഫിസര്‍ അറിയിച്ചു.