ജിദ്ദ: കഴിഞ്ഞ രണ്ട് ദിവസത്തിനുള്ളില്‍ 350 ഉംറ തീര്‍ത്ഥാടകര്‍ ഖത്തറില്‍ നിന്നും സല്‍വ അതിര്‍ത്തി ചെക്ക് പോസ്റ്റ് വഴി സഊദിയിലേക്ക് പ്രവേശിച്ചു. ഖത്തര്‍ പൗരന്മാര്‍ക്ക് പുറമേ ഖത്തറില്‍ ജോലി ചെയ്യുന്ന വിദേശികളും തീര്‍ത്ഥാടകരില്‍ ഉള്‍പ്പെടും.

അതിര്‍ത്തിയില്‍ തീര്‍ത്ഥാടകര്‍ക്ക് വേണ്ട എല്ലാ സഹായ സഹകരണങ്ങളും സഊദി അധികൃതര്‍ ലഭ്യമാക്കുന്നുണ്ട്.

ഖത്തറുമായി ബന്ധങ്ങള്‍ വിഛേദിച്ചപ്പോഴും ഉംറ തീര്‍ത്ഥാടകര്‍ക്ക് സഊദിയില്‍ പ്രവേശിക്കുന്നതിനു എല്ലാ സൗകര്യങ്ങളും ചെയ്ത് കൊടുക്കുമെന്ന് സഊദി ഹജ്ജ് ഉംറ മന്ത്രാലയ അധികൃതര്‍ നേരത്തെ വ്യക്തമാക്കിയിരുന്നു.