പേരാവൂര്‍: സ്‌ട്രൈക്കിങ്ങ് ഫോഴ്‌സ് ഡ്യൂട്ടിയുടെ ഭാഗമായി ഇരുപത്തൊമ്പതാം മൈല്‍ ഭാഗത്ത് നടത്തിയ രാത്രികാല വാഹന പരിശോധനക്കിടെ കഞ്ചാവു കടത്തുകയായിരുന്ന മമ്പറം സ്വദേശിയായ യുവാവ് പേരാവൂര്‍ എക്‌സൈസ് പിടിയിലായി.
മമ്പറം പാതിരിയാട് പറമ്പായി സ്വദേശി എ.എ നസ്മീര്‍ ആണ് പിടിയിലായത്. ഇയാളുടെ പക്കല്‍ നിന്ന് 30 ഗ്രാം കഞ്ചാവ് കണ്ടെടുത്തു. കര്‍ണാടകയില്‍ നിന്നു കഞ്ചാവ് കടത്തിക്കൊണ്ടുവന്ന് മമ്പറം മേഖലയില്‍ വില്‍പന നടത്തുകയാണ് ഇയാളുടെ രീതിയെന്ന് എക്‌സൈസ് പറഞ്ഞു. പേരാവൂര്‍ റെയ്ഞ്ച് എക്‌സൈസ് പ്രിവന്റിവ് ഓഫിസര്‍ എം.പി സജീവന്റെ നേതൃത്വത്തില്‍ നടന്ന പരിശോധനയില്‍ പ്രിവന്റിവ് ഓഫിസര്‍ പി.സി ഷാജി, സിവില്‍ എക്‌സൈസ് ഓഫിസര്‍മാരായ സി.എം ജയിംസ്, സുരേഷ് പുല്‍പ്പറമ്പില്‍, കെ.എ മജീദ്, എക്‌സൈസ് ഡ്രൈവര്‍ കെ.ടി ജോര്‍ജ്ജ് പങ്കെടുത്തു.