ഒറ്റപ്പാലം: നഗരസഭയിലെ അരീക്കപ്പാടത്ത് മാലിന്യം തള്ളിയ നിലയില്‍ കണ്ടെത്തി. ശുചീകരണ യജ്ഞം നടത്തി നാട്ടുകാര്‍ വൃത്തിയാക്കിയ സ്ഥലത്താണ് മാലിന്യം തള്ളിയിരിക്കുന്നത്. വാര്‍ഡ് കൗണ്‍സിലര്‍ ടി.പി പ്രദീപ് കുമാറും നാട്ടുകാരും ചേര്‍ന്ന് മാലിന്യ കെട്ട് അഴിച്ച് പരിശോധിച്ചു.
തുടര്‍ന്ന് രക്തം പരിശോധിച്ച സ്ലിപ്പ് മാലിന്യ കെട്ടില്‍ നിന്ന് ലഭിച്ചതിലൂടെ മാലിന്യം നിക്ഷേപിച്ച ആളെ തിരിച്ചറിയാന്‍ കഴിഞ്ഞു.
പ്ലാസ്റ്റിക് കവറുകള്‍, കുപ്പികള്‍ എന്നിവയടക്കമുള്ള മാലിന്യമാണ് അരീക്കപ്പാടത്ത് ആളൊഴിഞ്ഞ പൊതുസ്ഥലത്ത് നിക്ഷേപിച്ചിരിക്കുന്നത്.
പൊതുസ്ഥലത്ത് മാലിന്യം നിക്ഷേപിച്ചതിനെതിരേ നിയമ നടപടിക്കാന്‍ കൗണ്‍സിലര്‍ രേഖാമൂലം നഗരസഭയില്‍ പരാതിയും നല്‍കി.