വണ്ടൂര്‍: എഴുത്തുകാരനും കഥാകൃത്തുമായ ഹംസ ആലുങ്ങലിന്റെ പത്ത് പുസ്തകങ്ങളുടെ പ്രകാശനം ഇന്ന് നടക്കും.  കവിയും ഗാനരചയിതാവുമായ പി.കെ ഗോപി പുസ്തകങ്ങള്‍ പ്രകാശനം ചെയ്യും. രാവിലെ 1030ന് പുല്ലംങ്കോട് ഗവ. ഹയര്‍സെക്കന്‍ഡറി സ്‌കൂളിലാണ് ആദ്യ പുസ്തക പ്രകാശനം നടക്കുക. തുടര്‍ന്ന് ഉച്ചക്ക് 12ന് കാളികാവ് ഗവ. യു.പി സ്‌കൂള്‍, മൂന്നിന് വണ്ടൂര്‍ ഗേള്‍സ് സ്‌കൂള്‍ എന്നിവിടങ്ങളിലും മറ്റു പുസ്തകങ്ങളുടെ പ്രകാശനം നടക്കും. വിദ്യാരംഗം കലാ സാഹിത്യ വേദി, മലയാളം ക്ലബ് എന്നിവയുടെ ആഭിമുഖ്യത്തിലാണ് പരിപാടി. ഐറിസ് ബുക്‌സ് കാളികാവാണ് പുസ്തകങ്ങളുടെ പ്രസിദ്ധീകരണം ഏറ്റെടുത്തിരിക്കുന്നത്.