മലപ്പുറം: സമസ്ത കേരളാ ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ കമ്മിറ്റി പുറത്തിറക്കുന്ന മുസ്ഹഫുകള്‍ വിതരണത്തിനു തയാറായി. രണ്ട്, മൂന്ന് ക്ലാസുകളിലേക്കാവശ്യമായ രണ്ട്, 10 ജുസ്ഉകളുടെ മുസ്ഹഫുകളാണ് വിതരണത്തിനു തയാറായിരിക്കുന്നത്. മദ്‌റസാ വിദ്യാര്‍ഥികള്‍ക്കാവശ്യമായ നോട്ടുപുസ്തകങ്ങളും വിതരണത്തിന് ഒരുക്കിയിട്ടുണ്ട്.
പൊതു മാര്‍ക്കറ്റിലേതിലും കുറഞ്ഞ വിലയ്ക്കാണ് ഇവ വിദ്യാര്‍ഥികള്‍ക്കു ലഭ്യമാകുക. മുസ്ഹഫുകളുടെ വിതരണോദ്ഘാടനം സയ്യിദ് ബി.എസ്.കെ തങ്ങള്‍ ഹുസൈന്‍കുട്ടി മുസ്‌ലിയാര്‍ക്കു നല്‍കി നിര്‍വഹിച്ചു. ശമീര്‍ ഫൈസി ഒടമല അധ്യക്ഷനായി. മുഹമ്മദലി മുസ്‌ലിയാര്‍, അമാനുല്ല ദാരിമി നിലമ്പൂര്‍, സ്വാദിഖ് ഫൈസി അരിമ്പ്ര, ശൗക്കത്ത് അസ്‌ലമി, സമദ് മുസ്‌ലിയാര്‍ വെട്ടിക്കാട്ടിരി, യൂനുസ് ഫൈസി വെട്ടുപാറ, അബ്ദുര്‍റഹീം ഫൈസി, അഷ്‌കര്‍ ദാരിമി, മുജീബ് അസ്‌ലമി എടപ്പറ്റ, ഹംസ ദാരിമി ചുങ്കത്തറ, റഹീം ഫൈസി, അഷ്‌റഫ് ഫൈസി, അബ്ദുന്നാസര്‍ ഫൈസി പാങ്ങ് പങ്കെടുത്തു.