ഭോപ്പാല്‍: ഭാര്യയ്ക്കു തടി കൂടിയെന്നാരോപിച്ചു മുത്വലാഖ് ചൊല്ലിയ ഭര്‍ത്താവിനെ പൊലിസ് അറസ്റ്റ് ചെയ്തു. മധ്യപ്രദേശിലാണ് സംഭവം. ജബുവ സ്വദേശി ആരിഫ് ഹുസൈനാണ് അറസ്റ്റിലായത്. ഇയാളുടെ ഭാര്യ മേഘ്‌നഗറിലെ ഷെരാണി മുല്ല സ്വദേശിനിയായ സല്‍മ ബാനു നല്‍കിയ പരാതിയിലാണ് അറസ്റ്റ്.
ആരിഫിനു മറ്റൊരു സ്ത്രീയുമായി ബന്ധമുണ്ടെന്നും അതിനാണ് തന്നെ ഒഴിവാക്കിയതെന്നും ഇവര്‍ ആരോപിച്ചു.
ഇയാള്‍ക്കെതിരേ പുതിയ മുസ്‌ലിം വനിതാ (വിവാഹ സംരക്ഷണ അവകാശം) നിയമപ്രകാരം കേസെടുത്തതായി മേഘ്‌നഗര്‍ എസ്.എച്ച്.ഒ കുശാല്‍സിങ് റാവത്ത് പറഞ്ഞു. 10 വര്‍ഷം മുന്‍പു വിവാഹിതരായ ഇര്‍ക്കു രണ്ടു കുട്ടികളുമുണ്ട്.