അമൃതസര്‍: പഞ്ചാബിലെ ഗുര്‍ദാസ്പൂരില്‍ പടക്ക നിര്‍മാണശാലയിലുണ്ടായ സ്‌ഫോടനത്തില്‍ 21 പേര്‍ മരിച്ചു. നിരവധിപേര്‍ സ്‌ഫോടനമുണ്ടായ കെട്ടിടത്തിനുള്ളില്‍ കുടുങ്ങിക്കിടക്കുകയാണ്. ഗുര്‍ദാസ്പൂരിലെ ബട്ടാല പ്രദേശത്തെ ജനവാസകേന്ദ്രത്തില്‍ അനുമതിയില്ലാതെ പ്രവര്‍ത്തിക്കുന്ന നിര്‍മാണകേന്ദ്രത്തില്‍ ഇന്നലെ വൈകിട്ടോടെയാണ് സംഭവം. സ്‌ഫോടനത്തിന്റെ ആഘാതത്തില്‍ പടക്കനിര്‍മാണശാല പൂര്‍ണമായും തകര്‍ന്നു. സിഖ് മത സ്ഥാപകന്‍ ഗുരുനാനാക്കിന്റെ ജന്‍മദിനത്തോടനുബന്ധിച്ചുള്ള ആഘോഷ പരിപാടികള്‍ക്കായി കെട്ടുകണക്കിന് പടക്കങ്ങളാണ് ഇവിടെ സൂക്ഷിച്ചുവച്ചിരുന്നത്.