മുംബൈ: മഹാരാഷ്ട്രയില്‍ പലയിടത്തും കനത്ത മഴ തുടരുന്നു. മുംബൈ, പാല്‍ഘര്‍, താനെ, നവി മുംബൈ എന്നിവിടങ്ങളിലാണ് മഴ പെയ്യുന്നത്. മുംബൈയില്‍ നഗരത്തില്‍ അടുത്ത 24 മണിക്കൂറില്‍ കാലാവസ്ഥാ നിരീക്ഷണ കേന്ദ്രം റെഡ് അലര്‍ട്ട് പ്രഖ്യാപിച്ചു. റെയില്‍വേ പാതയില്‍ വെള്ളം കയറിയതിനാല്‍ പല ട്രെയിനുകളും റദ്ദാക്കി. പലതും വൈകിയാണ് ഓടുന്നത്. വിമാന സര്‍വിസുകള്‍ 10 മുതല്‍ 15 മിനിട്ട് വരെയും വൈകി. മുംബൈ നഗരത്തിന്റെ പലഭാഗങ്ങളും വെള്ളക്കെട്ടിലാണ്.