തൃക്കരിപ്പൂര്‍: എന്‍.എന്‍ പിള്ളയുടെ പേരില്‍ മാണിയാട്ട് കോറസ് കലാസമിതി എര്‍പ്പെടുത്തിയ നാലാമത് എന്‍.എന്‍ പിള്ള പുരസ്‌കാരത്തിന് സംവിധായകനും നടനുമായ ലാല്‍ അര്‍ഹനായി. 25,000 രൂപയും പ്രശസ്തി പ്രത്രവുമാണ് അവാര്‍ഡ്. നാടക രംഗത്തെ സമഗ്ര സംഭാവനക്ക് എന്‍.എന്‍ പിള്ളയുടെ കുടുംബം നല്‍കുന്ന അവാര്‍ഡിന് മരട് ജോസഫ് അര്‍ഹനായി. നവംബര്‍ 14 മുതല്‍ 22 വരെ നടക്കുന്ന എന്‍.എന്‍.പിള്ള സംസ്ഥാന പ്രൊഫഷനല്‍ നാടക മത്സര വേദിയില്‍ അവാര്‍ഡ് സമ്മാനിക്കും.