ബഗ്ദാദ്: ഇറാഖിലുണ്ടായ ഭീകരാക്രമണത്തില്‍ 15 പേര്‍ കൊല്ലപ്പെട്ടു. ആക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തു. സലാഹുദ്ദീന്‍ പ്രവിശ്യയിലെ ഗ്രാമത്തിലാണ് ആക്രമണം. 20 ഐ.എസുകാരാണ് മിസേലി ഗ്രാമം ആക്രമിച്ചത്. ബഗ്ദാദിനു 280 കി.മി അകലെയാണ് ഈ പ്രദേശം. സുന്നി ഗ്രോത്ര വിഭാഗത്തിലെ സായുധ വിഭാഗവുമായി ഐ.എസ് ഏറ്റുമുട്ടല്‍ നടത്തിയിരുന്നുവെന്ന് സിന്‍ഹുവ വാര്‍ത്താ ഏജന്‍സി റിപ്പോര്‍ട്ട് ചെയ്തു.
കൊല്ലപ്പെട്ടവരില്‍ മൂന്നു സ്ത്രീകളും ഒരു കുട്ടിയും ഉള്‍പ്പെടും. അഞ്ചു ഭീകരരും കൊല്ലപ്പെട്ടു. ട്രൈഗ്രിസ് നദിയുടെ തീരത്താണ് ആക്രമണം നടന്ന ഗ്രാമം.