സിയോള്‍: ഉത്തര കൊറിയ വീണ്ടും ബാലിസ്റ്റിക് മിസൈല്‍ പരീക്ഷണം നടത്തിയതായി റിപ്പോര്‍ട്ട്. ഇന്ന് രാവിലെ പരീക്ഷണം നടത്തിയതായി യു.എസും ദക്ഷിണകൊറിയയുമാണ് ഇതു സംബന്ധിച്ച വിവരങ്ങള്‍ പുറത്തുവിട്ടത്.

ഉത്തരകൊറിയയിലെ പടിഞ്ഞാറന്‍ തീരത്തു നിന്ന് കിഴക്ക് ജപ്പാന്‍ കടലിലേക്കാണ് മിസൈല്‍ പരീക്ഷണം നടത്തിയതെന്നാണ് ലഭിക്കുന്ന വിവരം. 1000 കിലോമീറ്റര്‍ വരെ ദൂരപരിധിയുള്ള മിസൈലുകളാണ് പരീക്ഷിച്ചത്. പരീക്ഷണം വിജയകരമായിരുന്നോ എന്ന കാര്യത്തില്‍ സ്ഥിരീകരണമില്ലെന്നാണ് ദക്ഷിണ കൊറിയന്‍ അധികൃതര്‍ അറിയിച്ചത്.

ഇതിനു മുന്‍പ് കഴിഞ്ഞ മാസം 19ന് ഉത്തര കൊറിയ മൂന്ന് ബാലിസ്റ്റിക് മിസൈല്‍ പരീക്ഷിച്ചിരുന്നു.