ന്യൂഡല്‍ഹി: നര്‍സിങ് യാദവിന് യുണൈറ്റഡ് വേള്‍ഡ് റെസ്‌ലിങിന്റെ ക്ലീന്‍ ചിറ്റ് റെസ്‌ലിങ് ഫെഡറേഷന്‍ ഓഫ് ഇന്ത്യ പ്രസിഡന്റ് ബ്രിജ് ഭൂഷണ്‍ ചരണ്‍ സിങ് ആണ് അറിയിച്ചത്. ഇതോടെ റിയോ ഒളിംപിക്‌സിനുള്ള ഇന്ത്യന്‍ ടീമിനൊപ്പം ചേരാന്‍ ഇതോടെ നര്‍സിങ് യാദവിന് സാധിക്കും.

ഉത്തേജമരുന്ന് ഉപയോഗിച്ചതായി കണ്ടെത്തിയതിനെ തുടര്‍ന്ന് ഒളിംപിക്‌സില്‍ നിന്നും പങ്കെടുക്കുന്നതിന് താരത്തെ നാഡ വിലക്കിയിരുന്നു. എന്നാല്‍, ഇതിനെതിരേ താരം രംഗത്തെത്തിയിരുന്നു. തന്റെ ഭക്ഷണത്തില്‍ ജൂനിയര്‍ താരമാണ് ഉത്തേജകമരുന്ന് കലര്‍ത്തിയതെന്നും അയാള്‍ ഒരു ദേശീയതാരത്തിന്റെ സഹോദരനാണെന്നും ആരോപിച്ചിരുന്നു. ഈ വാദത്തോട് നാഡ അനുകൂല നിലപാടാണ് സ്വീകരിച്ചിരുന്നത്.

ജൂണ്‍ 25നും ജൂലൈ അഞ്ചിനും നടത്തിയ പരിശോധനയില്‍ നര്‍സിങ് നിരോധി അനാബോളിക് സ്റ്റിറോയിഡ് മെതാന്‍ഡിയനോണ്‍ ഉപയോഗിച്ചതായി കണ്ടെത്തിയിരുന്നു. ഇതോടെ വിലക്കുവന്ന താരത്തിനു പകരം 74 കി.ഗ്രാം ഫ്രീസ്റ്റൈലില്‍ പ്രവീണ്‍ റാണയെ മല്‍സരിപ്പിക്കാന്‍ ഇന്ത്യന്‍ ഒളിംപിക് കമ്മിറ്റ് തീരുമാനിക്കുകയും ചെയ്തിരുന്നു.