HOME
DETAILS

ദേശീയപാതയില്‍ പാചക വാതക ടാങ്കര്‍ ലോറികളുടെ അനധികൃത പാര്‍ക്കിങ്

  
backup
October 27 2018 | 04:10 AM

%e0%b4%a6%e0%b5%87%e0%b4%b6%e0%b5%80%e0%b4%af%e0%b4%aa%e0%b4%be%e0%b4%a4%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b4%be%e0%b4%9a%e0%b4%95-%e0%b4%b5%e0%b4%be%e0%b4%a4%e0%b4%95

തേഞ്ഞിപ്പലം: പാചകവാതകം നിറച്ച ടാങ്കര്‍ ലോറികള്‍ അനധികൃതമായി ദേശീയപാതയില്‍ പാര്‍ക്ക് ചെയ്യുന്നത് ഭീതി പരത്തുന്നു. ദേശീയ പാത കോഹിനൂരില്‍ ദിനംപ്രതി മംഗലാപുരത്ത് നിന്നും മറ്റ് പ്രദേശങ്ങളില്‍ നിന്നും വരുന്ന കൂറ്റന്‍ ബുള്ളറ്റ് ടാങ്കറുകളാണ് പകല്‍ സമയത്ത് പൊരിവെയിലില്‍ അനധികൃതമായി മണിക്കൂറുകളോളം പാര്‍ക്ക് ചെയ്യുന്നത്.
യാതൊരുവിധ സുരക്ഷാ സംവിധാനങ്ങളും ഇല്ലാതെയാണ് ഇവ റോഡരികില്‍ പാര്‍ക്കു ചെയ്യുന്നതെന്ന് നാട്ടുകാര്‍ പറയുന്നു. ഇവിടെ പാര്‍ക്കിങ് നിരോധിത മേഖലയായിട്ടും ഇതൊന്നും ബുള്ളറ്റ് ടാങ്കര്‍ ലോറികള്‍ക്ക് ബാധകമല്ലെന്ന വിധമാണ് അനധികൃതമായി പാര്‍ക്കിങ് തുടരുന്നത്. കഴിഞ്ഞ മാസം ദേശീയപാതയില്‍ 500 മീറ്റര്‍ അകലെ പാണമ്പ്രയില്‍ ഒരു ബുള്ളറ്റ് ടാങ്കര്‍ ലോറി മറിഞ്ഞതിനെ തുടര്‍ന്ന് ഉണ്ടായ ഭീതി നാട്ടുകാരില്‍ നിന്ന് ഇനിയും വിട്ടുമാറിയിട്ടില്ല. ദേശീയപാതയിലെ ഇത്തരം പാര്‍ക്കിങ് പൊലിസ് കണ്ടില്ലെന്ന് നടിക്കുകയാണെന്ന് നാട്ടുകാരുടെ ആക്ഷേപം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."