ന്യൂഡല്‍ഹി: ജി.എസ്.ടി നിരക്കില്‍ ഇളവ് വരുത്തണമെന്ന് സര്‍ക്കാരിനോട് ആവശ്യപ്പെട്ട് വാഹന നിര്‍മാണ കമ്പനികള്‍. വാഹന നിര്‍മാണ മേഖലയില്‍ പത്ത് ലക്ഷത്തോളം പേരുടെ തൊഴിലുകള്‍ നഷ്ടപ്പെടുമെന്നും ഇതില്‍ സര്‍ക്കാര്‍ ഉടന്‍ ആവശ്യമായ ഇടപെടല്‍ നടത്തണമെന്ന് കമ്പനികള്‍ പറഞ്ഞു.
നിര്‍മാണ മേഖലയിലുള്ള 15,000 പേരുടെ തൊഴിലുകള്‍ നിലവില്‍ നഷ്ടപ്പെട്ടു.സാമ്പത്തിക പ്രതിസന്ധി ഇനിയും മറികടക്കാന്‍ കഴിഞ്ഞില്ലെങ്കില്‍ 10 ലക്ഷം പേരുടെ തൊഴില്‍ അപകടത്തിലാവുമെന്ന് സൊസൈറ്റി ഓഫ് ഇന്ത്യന്‍ ഓട്ടോമൊബൈല്‍ മാനുഫാക്‌ചേഴ്‌സ് അധ്യക്ഷന്‍ രാജന്‍ വധേര പറഞ്ഞു. ന്യൂഡല്‍ഹിയില്‍ സംഘടനയുടെ വാര്‍ഷിക സമ്മേളനത്തില്‍ സംസാരിക്കുകയായിരുന്നു അദ്ദേഹം. പ്രതിസന്ധിയെ തരണംചെയ്യുന്നതിന് ഞങ്ങള്‍ക്ക് സാധ്യമായതെല്ലാം ചെയ്തു കഴിഞ്ഞു. ഉപഭോക്താക്കളെല്ലാം വാഹനം വാങ്ങല്‍ നീട്ടിവച്ചിരിക്കുകയാണെന്നും അദ്ദേഹം പറഞ്ഞു