പറവൂര്‍: കുഞ്ഞിത്തൈ പുലരി ഗ്രാമീണ വായനശാലയുടെ ആഭിമുഖ്യത്തില്‍ ജനപ്രതിനിധികള്‍ക്ക് സ്വീകരണം നല്‍കി. ജില്ലാ പഞ്ചായത്തംഗം പി.എസ് ഷൈല, വടക്കേക്കര പഞ്ചായത്ത് പ്രസിഡന്റ് കെ.എം അംബ്രോസ്, ബ്ലോക്ക് മെമ്പര്‍മാരായ എം.പി ലതി, കെ.സി രാജീവ്,വടക്കേക്കര പഞ്ചായത്ത് അംഗങ്ങളായ അനില്‍ ഏലിയാസ്, സി.ബി ബിജി എന്നിവര്‍ക്കാണു സ്വീകരണംനല്‍കിയത്.
ചടങ്ങില്‍ ദേശീയ ജൂനിയര്‍ വനിതാവോളിബോള്‍ ചാമ്പ്യന്‍ഷിപ്പിലേക്ക് തെരഞ്ഞെടുക്കപ്പെട്ട കുമാരി എം.എസ് ഷാനിയെ അനുമോദിച്ചു.സമ്മേളനം വയോവൃദ്ധരായ എന്‍.ആര്‍ സദന്‍,കെ.ആര്‍ കാര്‍ത്തികേയന്‍,ജോണ്‍ റോച്ച,എ ആര്‍ ശ്രീനിവാസന്‍ എന്നിവര്‍ചേര്‍ന്ന് ഉദ്ഘാടനം ചെയ്തു.വര്‍ഗീസ് മാണിയാറ അധ്യക്ഷതവഹിച്ചു.പ്രസാദ് വാലത്ത്,വി.ജി ജോഷി,ടി.ഡി രാജപ്പന്‍,ടി.കെ ബാബു,എം.യു അയൂബ്,എ.ബി അഭിഷേക് എന്നിവര്‍ സംസാരിച്ചു.