മഴക്കാലത്ത് മോഷ്ടാക്കള്‍ക്കെതിരേ
ജാഗ്രത വേണമെന്ന് പൊലിസ്
    
തിരൂര്‍: മഴക്കാലത്ത് മോഷ്ടാക്കള്‍ക്കെതിരേ ജനങ്ങള്‍ പ്രത്യേകം ജാഗ്രത പുലര്‍ത്തണമെന്ന് പൊലിസ് നിര്‍ദേശം. മഴക്കാല രാത്രികളില്‍ വീട്ടില്‍ സുരക്ഷാക്രമീകരണങ്ങള്‍ ഉറപ്പുവരുത്തണമെന്നും പണം, സ്വര്‍ണാഭരണങ്ങള്‍ എന്നിവ ബാങ്കുകളിലെ ലോക്കറുകളില്‍ സൂക്ഷിക്കണമെന്നും പൊലിസ് മുന്നറിയിപ്പ് നല്‍കി.
വീടിന് ചുറ്റും രാത്രികാലങ്ങളില്‍ ലൈറ്റുകള്‍ പ്രകാശിപ്പിക്കണമെന്നും പകല്‍ സമയങ്ങളില്‍ സംശയാസ്പദമായ സാഹചര്യങ്ങളില്‍ വീട്ടുപരിസരങ്ങളില്‍ ആരെയെങ്കിലും കണ്ടാല്‍ മറ്റുള്ളവരെ അറിയിക്കുകയും നിരീക്ഷിക്കുകയും വേണം. ആവശ്യമെങ്കില്‍ പൊലിസിലും വിവരം അറിയിക്കണം. വീടിന്റെ പരിസരങ്ങളില്‍ അന്യ സംസ്ഥാന തൊഴിലാളികള്‍ താമസിക്കുന്നുണ്ടെങ്കില്‍ അവരെ നിരീക്ഷിക്കണമെന്നും പൊലിസ് അറിയിച്ചു.