മലപ്പുറം: ഭൂമിക്കൊരു തണല്‍ ഭാവിക്കൊരു കരുതല്‍ എന്ന പ്രമേയത്തില്‍ എസ്.കെ.എസ്.ബി.വി ഈസ്റ്റ് ജില്ലാ കമ്മിറ്റി പരിസ്ഥിതി സംരക്ഷണ വാരാചരണം സമാപിച്ചു. ചട്ടിപ്പറമ്പ് ലൈഫ് ലൈന്‍ ഔഷധ തോട്ടത്തില്‍ നടന്ന സംഗമം എസ്.കെ.എസ്.ബി.വി ജില്ലാ പ്രസിഡന്റ് സയ്യിദ് സദഖത്തുള്ള തങ്ങള്‍ ഉദ്ഘാടനം ചെയ്തു. സയ്യിദ് ഹാസില്‍ റഹ്മാന്‍ തങ്ങള്‍ ചാഞ്ഞാല്‍ അധ്യക്ഷനായി. പ്രമുഖ പരിസ്ഥിതി പ്രവര്‍ത്തകന്‍ തോരപ്പ മുസ്തഫ പ്രമേയപ്രഭാഷണം നടത്തി. ക്രിയാത്മകമായ പരിസ്ഥിതി പ്രവര്‍ത്തനത്തിനു അദ്ദേഹത്തെ ആദരിച്ചു. ഔഷധ തൈകള്‍ വിതരണം ചെയ്തു. മുഹമ്മദ് അസ്‌ലഹ് മുതുവല്ലൂര്‍, പി.എന്‍ അഹമ്മദ് പുളിയാട്ടുകുളം, മുനവ്വര്‍ ചെളൂര്‍, അലി നിഷാദ് ചാപ്പനങ്ങാടി, ഫവാസ് കുറുവ, നസ്‌റുദ്ദീന്‍ സംബന്ധിച്ചു.