നിലമ്പൂര്‍: ചാലിയാര്‍ പഞ്ചായത്തിലെ പെരുവമ്പാടത്ത് വീണ്ടും കാട്ടാന ശല്യം. കര്‍ഷകര്‍ ദുരിതത്തില്‍. പെരുവമ്പാടം പയ്യ മേഖലയില്‍ കടമ്പോടന്‍ മുഹമ്മദിന്റെ കൃഷിയിടത്തിലെ കമുകുകളും തെങ്ങുകളുമാണ് വെള്ളിയാഴ്ച്ച രാത്രി കാട്ടാന നശിപ്പിച്ചത്. മമ്പാട് ഭാഗത്തു നിന്നുമാണ് വനത്തിലൂടെ കാട്ടാനകള്‍ ഇവിടേക്ക് എത്തുന്നത്. പുള്ളിപ്പാടം, ടാണ, വീട്ടിക്കുത്ത്, ആയിരവല്ലികാവ് മേഖലകളിലും മൊടവണ്ണ, നിലമ്പൂര്‍ കോവിലകത്തുമുറി വനമേഖലകളിലും കാട്ടാന ശല്യം ജനജീവിതത്തെ ബാധിച്ചിട്ടുണ്ട്. രണ്ടാഴ്ച്ച മുന്‍പും കാട്ടാന മുഹമ്മദിന്റെ കൃഷിയിടത്തില്‍ നാശം വിതച്ചിരുന്നു. പരാതി നല്‍കിയിട്ടും അധികൃതര്‍ നടപടിയെടുക്കുന്നില്ലെന്ന് ആക്ഷേപമുണ്ട്. പ്രളയപ്രതിസന്ധിയില്‍ നിന്നും കരകയറുന്നതിനിടെയാണ് കാട്ടാനയുടെ പരാക്രമണങ്ങള്‍.