കഴക്കൂട്ടം: ഉപഭാഷ സംരക്ഷണ സമരഭൂമിയില്‍ നായനാര്‍ സര്‍ക്കാരിന്റെ വെടിയേറ്റ് മരിച്ച മജീദ് റഹ്മാന്‍ കുഞ്ഞിപ്പ സ്മൃതി മുസ്‌ലിം യൂത്ത് ലീഗ് കഴക്കൂട്ടത്ത് ആചരിച്ചു. കഴക്കൂട്ടം നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പൗണ്ട്കടവില്‍ ചേര്‍ന്ന സ്മൃതി സംഗമം മുസ്‌ലിം ലീഗ് സംസ്ഥാന പ്രവര്‍ത്തക സമിതി അംഗം മണ്‍വിള സൈനുദ്ദീന്‍ ഉദ്ഘാടനം ചെയ്തു.
ആചരണ കമ്മിറ്റി ചെയര്‍മാന്‍ ഷംസുദ്ദീന്‍ ഹാജി അദ്ധ്യക്ഷനായി. അഡ്വ.കണിയാപുരം ഹലീം റിലീഫ് കിറ്റുകള്‍ വിതരണം ചെയ്തു. ഹരിത സ്പര്‍ശം ചെയര്‍മാന്‍ ഷഹീര്‍ ജി അഹമ്മദ് ഭാഷാ സമര സ്മൃതി നടത്തി. യൂത്ത് ലീഗ് ജില്ലാ പ്രസിഡന്റ് ഡി.നൗഷാദ്, ജന: സെക്രട്ടറി ഷഹീര്‍ ഖരീം, യൂത്ത് ലീഗ് ഭാരവാഹികളായ സലാം വേളി, എ.പി മിസ്‌വര്‍ എന്നിവര്‍ പ്രസംഗിച്ചു.