പരപ്പനങ്ങാടി: പരപ്പനങ്ങാടി ശിഹാബ് തങ്ങള്‍ ഫൗണ്ടേഷന്റെ കാരുണ്യം സഹായ പദ്ധതി സ്‌നേഹസംഗമം പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്തു. സയ്യിദ് പി.എസ്.എച്ച് തങ്ങള്‍ അധ്യക്ഷനായി. പദ്ധതിയുടെ ഭാഗമായി പെരുന്നാള്‍ കിറ്റ് നല്‍കുന്ന മുന്നോറോളം നിര്‍ധന കുടുംബങ്ങളുടെ ലിസ്റ്റ് കോര്‍ഡിനേറ്റര്‍ മുജീബ് അങ്ങാടിക്ക് പി കെ അബ്ദുറബ്ബ് എം എല്‍ എ നല്‍കി ഉദ്ഘാടനം ചെയ്തു.

ഫൗണ്ടേഷന്‍ കാരുണ്യം പദ്ധതിയിലേക്ക് ജന്നാത്ത് അഷ്‌റഫ് നല്‍കുന്ന ആറ് ലക്ഷം രൂപയും ഖത്തര്‍ ചാപ്റ്റര്‍ നല്‍കുന്ന ഒരു ലക്ഷം രൂപയും തോട്ടത്തില്‍ അഷ്‌റഫ് നല്‍കുന്ന തുകയും കുഞ്ഞാലിക്കുട്ടിക്ക് കൈമാറി. യൂത്ത് ലീഗ് ജില്ലാ സെക്രട്ടറി ശരീഫ് കുറ്റൂര്‍ മുഖ്യപ്രഭാഷണം നടത്തി. അലി തെക്കേപ്പാട്ട്, ഉമ്മര്‍ ഒട്ടുമ്മല്‍, സി അബ്ദുറഹ്മാന്‍കുട്ടി, അഡ്വ. കെ.കെ സൈതലവി, എന്‍.വി.പി മുഹമ്മദ്ഹാജി, ജന്നാത്ത് അഷ്‌റഫ്, സയ്യിദ് ഫഖ്‌റുദ്ദീന്‍ തങ്ങള്‍ ഖത്തര്‍, കബീര്‍ ചെട്ടിപ്പടി, അബ്ദുറസാഖ് ചേക്കാലി, കടവത്ത് സൈതലവി, പി അലി അക്ബര്‍, സ്റ്റാര്‍ മുനീര്‍ സംസാരിച്ചു.