ഭോപ്പാല്‍: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ ഗോത്രം ചോദിച്ച് ബി.ജെ.പി. അതേ നാണയത്തില്‍ ചുട്ട മറുപടി കൊടുത്തിരിക്കുകയാണ് രാഹുല്‍ ഗാന്ധി. മതത്തെക്കുറിച്ചു മാത്രമാണ് ബി.ജെ.പി സംസാരിക്കുന്നത്. എന്നാല്‍ ഭരണത്തിലിരിക്കുന്ന അവരുടെ ഏക മതം അഴിമതിയാണെന്നും രാഹുല്‍ ഗാന്ധി പറഞ്ഞു.

'ഒരു ബ്രാഹ്മണ വിഭാഗമെന്നാണ് രാഹുല്‍ പറയുന്നത്. ഏതു തരത്തിലുള്ള പൂണൂലാണ് രാഹുല്‍ ധരിക്കാറുള്ളത്?'- ബി.ജെ.പി വക്താവ് സംബിത് പത്ര ചോദിച്ചു. ഏതാണ് അദ്ദേഹത്തിന്റെ ഗോത്രമെന്നും പത്ര ചോദിച്ചിരുന്നു.

നിരാശരായ ബി.ജെ.പി വെറുപ്പിന്റെ രാഷ്ട്രീയം പയറ്റുകയാണ്. ട്രംപ് ഒബാമയോട് ജനന സര്‍ട്ടിഫിക്കറ്റ് ചോദിച്ചതു പോലെയാണ് ഇതെന്നും രാഹുല്‍ ഗാന്ധി തിരിച്ചടിച്ചു.