കുറ്റ്യാടി: രണ്ട് ദിവസമായി പെയ്യുന്ന കനത്ത മഴ മലയോര മേഖലയില്‍ വ്യാപക നാശം വിതച്ചു. മരുതോങ്കര പഞ്ചായത്തിലെ ജാനകിക്കാട് ഇക്കോ ടൂറിസം കേന്ദ്രത്തിനടുത്ത് തോണിക്കടവത്ത് മാമിയുടെ വീട് ഭാഗികമായി തകര്‍ന്നു.
കഴിഞ്ഞദിവസം രാത്രി പെയ്ത കനത്ത മഴയിലാണ് വീടിന്റെ അടുക്കളഭാഗം പൂര്‍ണമായും തകര്‍ന്നത്. രണ്ട് ലക്ഷത്തോളം രൂപയുടെ നഷ്ടം കണക്കാക്കുന്നു.
വേളം പഞ്ചായത്തിലെ പുമുഖത്ത് പടിക്കലക്കണ്ടി കരീമിന്റെ വീടിനോട് ചേര്‍ന്ന് ചെങ്കല്ലില്‍ പണിത മതില്‍ ഇടിഞ്ഞുവീണു.
വേളത്ത് പലഭാഗങ്ങളിലും വാഴ, കമുക്, തെങ്ങ് തുടങ്ങിയ കാര്‍ഷിക വിളകളും വ്യാപകമായി നശിച്ചിട്ടുണ്ട്. കാവിലുംപാറ, മരുതോങ്കര പഞ്ചായത്തുകളിലും വ്യാപക കൃഷിനാശം സംഭവിച്ചിട്ടുണ്ട്.