മുക്കം: കേരളത്തില്‍ കലാപത്തിന്റെ വിത്തുപാകാന്‍ സി.പി.എമ്മും ആര്‍.എസ്.എസും മത്സരിക്കുകയാണെന്നും ഭരണത്തകര്‍ച്ച ചര്‍ച്ച ചെയ്യപ്പെടാതിരിക്കാനാണ് രണ്ടു കക്ഷികളും അക്രമത്തിന്റെ പാത പിന്തുടരുന്നതെന്നും മുക്കം ബ്ലോക്ക് കോണ്‍ഗ്രസ് കമ്മിറ്റി അഭിപ്രായപ്പെട്ടു. ബ്ലോക്ക് പ്രസിഡന്റ് എം.ടി അഷ്‌റഫ് അധ്യക്ഷനായി. ഡി.സി.സി സെക്രട്ടറി സി.ജെ ആന്റണി, എന്‍.പി ഷംസുദ്ദീന്‍, ജോസ് പള്ളിക്കുന്നേല്‍, സാവിച്ചന്‍, ഇ.കെ ഷാഹുല്‍ ഹമീദ്, യു.പി മമ്മദ്, പി.വി സുരേന്ദ്രലാല്‍, റീന പ്രകാശ്, എം.കെ മമ്മദ്, നിഷാബ് മുല്ലോളി, പി. പ്രേമദാസന്‍, നജീബ് കല്‍പൂര്, കെ.പി വദൂദ് റഹ് മാന്‍, ചന്ദ്രന്‍ കപ്യേടത്ത്, സത്യന്‍ മുണ്ടയില്‍, മുഹമ്മദ് തെനങ്ങാപറമ്പില്‍ സംസാരിച്ചു.