കളമശേരി : എസ്.വൈ.എസ് മേഖലാക്യാംപിന് ഇന്ന് തുടക്കമാകും. അംഗത്വ വിതരണം സമസ്ത തൊണ്ണൂറാം വാര്‍ഷിക സമ്മേളനം എന്നിവയെ കുറിച്ചുളള  ചര്‍ച്ചനടക്കും.മേഖലാ പ്രസിഡന്റ് സൈറുദ്ധീന്‍ വാഫി അധ്യക്ഷത വഹിക്കുന്ന യോഗത്തില്‍ ജില്ലാ പ്രസിഡന്റ് സയ്യിദ് ഷറഫുദ്ധീന്‍ തങ്ങള്‍ ഉദ്ഘാടനം ചെയ്യും. കളമശേരി മര്‍ക്കസില്‍ വൈകുന്നേരം അഞ്ചിന് നടക്കുന്ന ക്യാംപിന് മണ്ഡലം പ്രസിഡന്റ് എം.ബി അബൂബക്കര്‍ ഹാജി പതാക ഉയര്‍ത്തും. ജില്ലാ അമീര്‍ എം.എം അബൂബക്കര്‍ ഫൈസി, മേഖല അമീര്‍ മൂഹമ്മദ് അനസ് ബാഖവി തുടങ്ങിയവര്‍ നേതൃത്വം നല്‍കും.എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. പ്രവര്‍ത്തകര്‍ സമയക്രമം പാലിച്ച് പങ്കെടുക്കണമെന്ന് ജനറല്‍ സെക്രട്ടറി എ.സി മുഹമ്മദ് ഹസീം അറിയിച്ചു.