കറാച്ചി: പാക് ക്രിക്കറ്റ് ടീം നായകനായി വിക്കറ്റ് കീപ്പര്‍, ബാറ്റ്‌സ്മാന്‍ സര്‍ഫറാസ് അഹമ്മദിനെ വീണ്ടും നിയമിച്ചു. പാകിസ്ഥാന്‍ ക്രിക്കറ്റ് ബോര്‍ഡാണ് ഇക്കാര്യം ഔദ്യോഗികമായി പ്രഖ്യാപിച്ചത്. നേരത്തെ ലോകകപ്പിലെ പാകിസ്ഥാന്റെ ദയനീയ പ്രകടനം താരത്തിന്റെ ക്യാപ്റ്റന്‍സി തെറിപ്പിക്കുമെന്ന് സൂചനകള്‍ ഉണ്ടായിരുന്നു. ഇത്തരം അഭ്യൂഹങ്ങള്‍ക്കാണ് ഇപ്പോള്‍ അവസാനമായിരിക്കുന്നത്.
ശ്രീലങ്കയ്‌ക്കെതിരേ നാട്ടില്‍ നടക്കാനിരിക്കുന്ന പരമ്പരയാകും പാക് ക്യാപ്റ്റനെന്ന നിലയില്‍ സര്‍ഫറാസിന്റെ അടുത്ത ദൗത്യം. മൂന്ന് വീതം ഏകദിന, ടി20 മത്സരങ്ങളാണ് ശ്രീലങ്കയ്‌ക്കെതിരേ പാകിസ്ഥാന്‍ കളിക്കുക. 2017ലെ ചാംപ്യന്‍സ് ട്രോഫിയില്‍ പാകിസ്ഥാനെ കിരീടത്തിലേക്ക് നയിച്ചിട്ടുണ്ട്.