ഹരാരെ: അന്തരിച്ച മുന്‍ സിംബാബ്‌വെ പ്രസിഡന്റ് റോബര്‍ട്ട് മുഗാബെയ്ക്ക് ആദരാഞ്ജലിയര്‍പ്പിക്കാന്‍ സര്‍ക്കാര്‍ സംഘടിപ്പിച്ച ചടങ്ങിന് വിദേശനേതാക്കളടക്കം പ്രമുഖരെത്തിയെങ്കിലും ജനപങ്കാളിത്തം കുറഞ്ഞു. ഹരാരെയിലെ സ്റ്റേഡിയത്തില്‍ സംഘടിപ്പിച്ച ചടങ്ങില്‍ ജനപങ്കാളിത്തം കുറഞ്ഞത് അന്താരാഷ്ട്ര മാധ്യമങ്ങളാണ് റിപ്പോര്‍ട്ട് ചെയ്തത്.
60,000 പേരെ ഉള്‍ക്കൊള്ളുന്ന സ്റ്റേഡിയത്തിന്റെ മുക്കാല്‍ ഭാഗവും ഒഴിഞ്ഞുകിടന്നെന്നാണ് റിപ്പോര്‍ട്ടുകള്‍. മുഗാബെ 37 വര്‍ഷം രാജ്യം ഭരിച്ചപ്പോഴുണ്ടായ സംഭവവികാസങ്ങളും നലവില്‍ രാജ്യത്ത് നടക്കുന്ന പ്രതിഷേധങ്ങളുമാകാം ജനങ്ങള്‍ ചടങ്ങ് ബഹിഷ്‌കരിക്കാന്‍ കാരണമെന്നാണ് അനുമാനം.