ന്യൂഡല്‍ഹി: മാംസാഹാരം ഒഴിവാക്കാന്‍ ഗര്‍ഭിണികള്‍ക്ക് കേന്ദ്രത്തിന്റെ ഉപദേശം. ആയുഷ് മന്ത്രാലയം ഇറക്കിയ ബുക് ലെറ്റിലാണ് ഇത്തരത്തിലൊരു നിര്‍ദ്ദേശമുള്ളത്. ഗര്‍ഭാവസ്ഥയില്‍ ലൈംഗികത ഒഴിവാക്കാനും ചീത്ത കൂട്ടുകെട്ടുകളില്‍ പെടാതിരിക്കാനും നിര്‍ദ്ദേശം നല്‍കുന്നുണ്ട്.

മാത്രമല്ല, ആത്മീയ കാര്യങ്ങളില്‍ ഏര്‍പ്പെടണമെന്നും മുറിയില്‍ നല്ല ചിത്രങ്ങള്‍ തൂക്കിയിടണമെന്നും മന്ത്രാലയത്തിന്റെ കുറിപ്പില്‍ പറയുന്നു.

യോഗ ദിനത്തിന് മുന്നോടിയായാണ് ഇങ്ങനെയൊരു ബുക് ലെറ്റ് പുറത്തിറക്കാന്‍ തീരുമാനിച്ചത്. മന്ത്രി ശ്രീപാദ് നായികാണ് ബുക്ക് പ്രകാശനം ചെയ്തത്.

എന്നാല്‍ ഇത്തരം നിര്‍ദേശങ്ങള്‍ അശാസ്ത്രീയമാണെന്നാണ് വിദഗ്ധരുടെ അഭിപ്രായം. മാംസ്യത്തിന്റെയും അയേണിന്റെയും കലവറയാണ് മാംസാഹാരം. ഇത് ഗര്‍ഭിണികള്‍ക്ക് ഗുണം ചെയ്യുകയേ ഉള്ളു.