പി.വി അബ്ദുല്‍വഹാബിനെ ചൊല്ലിയുള്ള വിവാദം അടഞ്ഞ അധ്യായം
മലപ്പുറം: വരാനിരിക്കുന്ന പാലാ ഉപതെരഞ്ഞെടുപ്പില്‍ യു.ഡി.എഫ് മികച്ച വിജയം നേടുമെന്ന് മുസ്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി. പാലായില്‍ യു.ഡി.എഫിന് ആവേശക്കുറവില്ല.
ഫലം വരുമ്പോള്‍ മികച്ച വിജയം യു.ഡി.എഫ് നേടും. മരടിലെ ഫ്‌ളാറ്റ് പൊളിക്കുന്നത് പൊതുപ്രശ്‌നമായി കണ്ട് പരിഹരിക്കണം. പി.വി അബ്ദുല്‍ വഹാബ് എം.പി സര്‍ക്കാരിന്റെ പ്രളയ പുനരധിവാസ പ്രവര്‍ത്തനങ്ങളെ പുകഴ്ത്തി സംസാരിച്ചതുമായി ബന്ധപ്പെട്ട വിഷയത്തില്‍ പ്രസംഗത്തില്‍നിന്ന് അടര്‍ത്തിയെടുത്ത ചില ഭാഗം പ്രചരിപ്പിക്കുകയാണുണ്ടായത്.
വഹാബ് തന്നെ ഇക്കാര്യം വിശദീകരിച്ച സ്ഥിതിക്ക് വിഷയം അടഞ്ഞ അധ്യായമാണെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു. അതിനിടെ, തന്റെ പേരിലുള്ള വിവാദങ്ങള്‍ അവസാനിപ്പിക്കണമെന്നും പ്രവര്‍ത്തകര്‍ക്കുണ്ടായ വിഷമത്തില്‍ നിര്‍വ്യാജം ഖേദിക്കുന്നതായും പി.വി അബ്ദുല്‍ വഹാബ് പറഞ്ഞു.