മദീന: 'നവകേരള നിര്‍മിതിക്കായി, കോര്‍ത്ത കൈ അഴിയാതെ' തനിമ കാമ്പയിന്റെ ഭാഗമായി തനിമ യാമ്പു സോണ്‍ നടത്തിയ കവിതാ സായാഹ്നം വേറിട്ട അനുഭവമായി. പ്രളയം, പ്രകൃതി സംരക്ഷണം എന്നിവയെ കുറിച്ചുള്ള കവിതകളുമായി യാമ്പുവിലെ കലാ സ്‌നേഹികള്‍ പരിപാടിയില്‍ പങ്കെടുത്തു. വിഷയവുമായി ബന്ധപ്പെട്ട് സ്വന്തം കവിതകളോ, മറ്റു കവിതകളോ ആലപിക്കാന്‍ അവസരമുണ്ടായിരുന്നു. യാമ്പു വിചാര വേദി പ്രസിഡന്റും കവിയുമായ അഡ്വ.ജോസഫ് അരിമ്പൂര്‍ കവിതാ സായാഹ്നം ഉദ്ഘാടനം ചെയ്തു.

തനിമ യാമ്പു സോണല്‍ പ്രസിഡന്റ് സലിം വേങ്ങര ചടങ്ങില്‍ അധ്യക്ഷത വഹിച്ചു. നംഷിദ ഷമീര്‍, മുഹമ്മദ് പി. എന്‍, നിയാസ് യൂസുഫ്, ജാഫര്‍, റെജ മുസ്തഫ, മുഹമ്മദ് റിഷാന്‍, അദ്വൈത്, മുഹമ്മദ് റിഷാന്‍, ഫയ്യ സലിം എന്നിവര്‍ കവിതകള്‍ ആലപിച്ചു. പ്രോഗ്രം കണ്‍വീനര്‍ മുസ്തഫ നൂറുല്‍ ഹസ്സന്‍ സ്വാഗതവും ജാഫര്‍ താനൂര്‍ നന്ദിയും പറഞ്ഞു