കണ്ണൂര്‍: ആരോഗ്യവകുപ്പിന്റെ നേതൃത്വത്തില്‍ ലോക രക്തദാതാ ദിനാചരണത്തിന്റെ ജില്ലാതല ഉദ്ഘാടനം ഇന്ന്  രാവിലെ 10 മണിക്ക് കണ്ണൂര്‍ കോളജ് ഓഫ് കൊമേഴ്‌സില്‍ പി. കെ. ശ്രീമതി  എം.പി നിര്‍വഹിക്കും.
ജില്ലാ പഞ്ചായത്ത് പ്രസിഡണ്ട് കെ.വി സുമേഷ് അധ്യക്ഷനാകും. ജില്ലാ കലക്ടര്‍ മീര്‍ മുഹമ്മദ് അലി  മുഖ്യാതിഥിയാകും. സന്നദ്ധ രക്തദാന മേഖലയില്‍ സ്തുത്യര്‍ഹമായ സേവനം കാഴ്ചവെച്ച സംഘടനകളെയും സ്ഥാപനങ്ങളെയും വ്യക്തികളെയും ചടങ്ങില്‍ ആദരിക്കും.
തുടര്‍ന്ന് നടക്കുന്ന ബോധവല്‍ക്കരണ സെമിനാറില്‍ ജില്ലാ ആശുപത്രി രക്തബാങ്ക് മെഡിക്കല്‍ ഓഫിസര്‍ ഡോ. കെ. ബി. ഷഹീദ ക്ലാസെടുക്കും.
ജില്ലാ ആശുപത്രി, തലശ്ശേരി ജനറല്‍ ആശുപത്രി രക്തബാങ്കുകളുടെ നേതൃത്വത്തില്‍ സന്നദ്ധ രക്തദാന ക്യാംപും നടക്കും.
രക്തദാനത്തിന് സന്നദ്ധരായിട്ടുള്ളവര്‍ രാവിലെ 10 നും 12 നുമിടയില്‍ കോളജ് ഓഫ് കൊമേഴ്‌സില്‍ എത്തിച്ചേരണം.