തിരുവനന്തപുരം: സര്‍ക്കാര്‍ ഇംഗ്ലീഷിനോ ന്യൂനപക്ഷ ഭാഷകള്‍ക്കോ എതിരല്ലെന്ന് മുഖ്യമന്ത്രി. കേരളത്തില്‍ ഇന്ന് എല്ലാ വകുപ്പുകളിലും ഭരണഭാഷ മലയാളമാണ്.
എന്നാല്‍, ഇതര ഭാഷക്കാരുമായുള്ള ആശയവിനിമയത്തിലും നിയമപരമായി ഉപയോഗിക്കേണ്ട സാഹചര്യങ്ങളിലും ഇംഗ്ലീഷ് ഉപയോഗിക്കാവുന്നതാണ്. തമിഴ്, കന്നഡ ന്യൂനപക്ഷ ഭാഷകള്‍ ഉപയോഗിക്കേണ്ട സാഹചര്യങ്ങളില്‍ അവയും ഉപയോഗിക്കാം. മറ്റു സാഹചര്യങ്ങളില്‍ പൂര്‍ണമായും മലയാളം ഉപയോഗിച്ചേ മതിയാകൂ. മലയാളം സ്‌കൂളുകളില്‍ നിര്‍ബന്ധമാക്കിയതും ക്ലാസില്‍ മലയാളം പറഞ്ഞാല്‍ ശിക്ഷ നേരിടേണ്ടിവരുമെന്ന അവസ്ഥയ്ക്ക് അറുതിവരുത്തിയതും ഈ സര്‍ക്കാരാണ്.
ഏതു ഭാഷ പഠിക്കുന്നതിനും നമ്മള്‍ എതിരല്ല. എന്നാല്‍, മലയാളഭാഷയെ ചവിട്ടിത്താഴ്ത്തരുതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.