തിരുവനന്തപുരം: തിരുവനന്തപുരത്ത് വെസ്റ്റിന്‍ഡീസിനെതിരായ അഞ്ചാം ഏകദിന മത്സരത്തിന് തൊട്ടുമുന്‍പ് ഇന്ത്യയുടെ മുന്‍ ക്രിക്കറ്റ് താരം രാഹുല്‍ ദ്രാവിഡിന് ആദരം. ദ്രാവിഡിനെ ഐ.സി.സി ഹാള്‍ ഓഫ് ഫെയിമില്‍ ഉള്‍പ്പെടുത്തിയണ്ടാണ് ആദരിച്ചത്. മുന്‍ ക്യാപ്റ്റന്‍ സുനില്‍ ഗവാസ്‌കര്‍ ഫ്രെയിം ചെയ്ത തൊപ്പി ഉള്‍പ്പെട്ട മെമെന്റോ രാഹുല്‍ ദ്രാവിഡിന് കൈമാറി.
ഈ വര്‍ഷം ജൂലൈയിലാണ് ഐ.സി.സി ദ്രാവിഡിനെ ഹാള്‍ ഓഫ് ഫെയിമില്‍ ഉള്‍പ്പെടുത്തിയതായി പ്രഖ്യാപിച്ചത്. ദ്രാവിഡിനൊപ്പം മുന്‍ ഓസീസ് ക്യാപ്റ്റന്‍ റിക്കി പോണ്ടണ്ടിങ്, മുന്‍ ഇംഗ്ലണ്ടണ്ട് വനിതാ ക്രിക്കറ്റ് താരം ക്ലെരി ടെയ്‌ലര്‍ തുടങ്ങിയവര്‍ക്കും ബഹുമതി പ്രഖ്യാപിച്ചിരുന്നു. അന്താരാഷ്ട്ര ക്രിക്കറ്റില്‍ നടത്തിയ പ്രകടനത്തിന്റെ അടിസ്ഥാനത്തിലാണ് ഐ.സി.സി ഹാള്‍ ഓഫ് ഫെയിം നല്‍കുന്നത്. കപില്‍ദേവ്, സുനില്‍ ഗവാസ്‌കര്‍, ബിഷന്‍സിങ് ബേദി, അനില്‍ കുംബ്ലെ തുടങ്ങിയ മുന്‍ ഇന്ത്യന്‍താരങ്ങള്‍ക്കും ഈ ബഹുമതി ലഭിച്ചിരുന്നു.