നടുവണ്ണൂര്‍: കാവില്‍ എ.എം.എല്‍.പി സ്‌കൂള്‍ പി.ടി.എ കമ്മിറ്റി സംഘടിപ്പിച്ച കാര്‍ഷിക കേരളത്തിന്റെ പുനരാവിഷ്‌കാരം 'ഓര്‍മ്മകള്‍ക്കു പിന്നാലെ' വിദ്യാര്‍ഥികള്‍ക്ക് ഒരു പുത്തനുഭവമായി മാറി.
പഴയ കാല കര്‍ഷകരായ അബ്ദുല്ല ഒതയോത്ത്, വി.പി കുട്ട്യേക്കിണി, വെള്ളന്‍, മാധവന്‍, രാഘവന്‍, ആണ്ടി, ശോഭ, കമല, നാരായണി എന്നിവര്‍ അവരുടെ പഴയകാല അനുഭവങ്ങള്‍ വിദ്യാര്‍ഥികളുമായി പങ്കുവച്ചു. ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് വി. പ്രതിഭ ശില്‍പശാല ഉദ്ഘാനം ചെയ്തു. നടുവണ്ണൂര്‍ പഞ്ചായത്ത് പ്രസിഡന്റ് യശോദ തെങ്ങിട അധ്യക്ഷയായി. പ്രധാനധ്യാപകന്‍ എം.കെ അബ്ദുറഹിമാന്‍, പി.ടി.എ പ്രസിഡന്റ് വിനോദ് എടോത്ത്, എം.പി.ടി.എ ചെയര്‍പേഴ്‌സന്‍ ലിജി തേച്ചേരി, സത്യന്‍ കുളിയാപ്പൊയില്‍, ഹരിപ്രിയ പി.സി, അഷ്‌റഫ് സി.കെ സംസാരിച്ചു.