നൂര്‍സുല്‍ത്താന്‍: ഇന്ത്യന്‍ താരം വിനേഷ് ഫോഗട്ടിന് കസാഖിസ്ഥാനില്‍ നടക്കുന്ന ലോക റസ്‌ലിംഗ് ചാംപ്യന്‍ഷിപ്പില്‍ വെങ്കല മെഡല്‍ നേട്ടം. 53കിലോ ഗ്രാം വിഭാഗത്തിലാണ് ഗ്രീസിന്റെ മറിയ റിവോലാരികിയെ 4-1 എന്ന പോയിന്റില്‍ വിനേഷ് പരാജയപ്പെടുത്തിയത്.

അതേസമയം 2020ല്‍ നടക്കുന്ന ടോക്കിയോ ഒളിംപിക്‌സിലേക്ക് യോഗ്യത നേടുന്ന ആദ്യ റസ്ലിംഗ് താരം എന്ന നേട്ടം വിനേഷ് ഫോഗട്ട് സ്വന്തമാക്കിയിരുന്നു. ദിവത്തിന്റെ തുടക്കത്തില്‍ അമേരിക്കയുടെ സാറ ഹില്‍ഡ്ബ്രറ്റിനെ 8-2ന് പരാജയപ്പെടുത്തിയാണ് അവര്‍ ഈ നേട്ടം കരസ്ഥമാക്കിയത്. 2014ലും 2018ലും നടന്ന കോമണ്‍വെല്‍ത്ത് ഗെയിംസില്‍ ഫോഗട്ട് സ്വര്‍ണമെഡല്‍ നേടിയിരുന്നു. 2018ലെ ഏഷ്യന്‍ ഗെയിംസില്‍ 50 കിലോ വിഭാഗത്തിലും അവര്‍ സ്വര്‍ണ മെഡല്‍ നേടി.