തിരുവനന്തപുരം: ചെറിയ ഇടവേളക്ക് ശേഷം കേരള പൊലിസില്‍ വീണ്ടും അഴിച്ചുപണി. നീണ്ട അവധിക്ക് ശേഷം തിരിച്ചെത്തിയ ആര്‍. നിശാന്തിനിയെ കൊല്ലത്തു നിന്നും പൊലിസ് ആസ്ഥാനത്ത് എസ്.പിയായി നിയമിച്ചു.

ക്രൈം ബ്രാഞ്ച് ഡി.ഐ.ജി ആയിരുന്ന ഹര്‍ഷിത അത്തല്ലൂരിയെ തിരുവനന്തപുരം അസിസ്റ്റന്റ് കമ്മിഷണറായും കൊല്ലം ക്രൈം ബ്രാഞ്ച് എ.സി.പി ബി. അശോകിനെ തിരുവനന്തപുരം റൂറല്‍ എസ്.പിയായും ഈ ചുമതല വഹിച്ചിരുന്ന പി.കെ മധുവിനെ കൊല്ലം കമ്മിഷണറായും മാറ്റി നിയമിച്ചിട്ടുണ്ട്. ഐ.പി.എസ് ഉദ്യോഗസ്ഥര്‍ക്കാണ് പുതിയ ഉത്തരവില്‍ മാറ്റം വന്നിരിക്കുന്നത്.