തൃശൂര്‍: പൊതുവിദ്യാഭ്യാസ വകുപ്പിന്റെ ആഭിമുഖ്യത്തില്‍ നടത്തുന്ന സംസ്ഥാന സ്‌കൂള്‍ ശാസ്‌ത്രോത്സവം നവംബര്‍ ഒന്നുമുതല്‍ മൂന്നുവരെ കുന്നംകുളത്ത് നടക്കും. സംഘാടക സമിതി രൂപീകരണ യോഗം ഇന്ന് ഉച്ചയ്ക്ക് രണ്ടിന് കുന്നംകുളം ഗവ. മോഡല്‍ ഹയര്‍ സെക്കന്‍ഡറി സ്‌കൂളില്‍ തദ്ദേശസ്വയംഭരണ വകുപ്പ് മന്ത്രി എ.സി മൊയ്തീന്‍ ഉദ്ഘാടനം ചെയ്യും. പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അധ്യക്ഷനാകും.
ജനപ്രതിനിധികള്‍, കലാ സാംസ്‌കാരിക സാഹിത്യ പ്രവര്‍ത്തകര്‍, പൗരപ്രമുഖര്‍, സന്നദ്ധ പ്രവര്‍ത്തകര്‍, വിവിധ വകുപ്പുതല ഉദ്യോഗസ്ഥര്‍ തുടങ്ങി എല്ലാവരേയും ഉള്‍ക്കൊള്ളിച്ചാണ് സംഘാടക സമിതി രൂപീകരിക്കുന്നത്.