പേരാമ്പ്ര: പകര്‍ച്ച പനി വ്യാപകമാവുകയും ഡെങ്കി ബാധിച്ച് 7 പേര്‍ മരണപ്പെടുകയും ചെയ്ത കൂരാച്ചുണ്ടില്‍ രോഗ പ്രതിരോധത്തിന്നുള്ള അടിയന്തര നടപടി തുടങ്ങി. മേഖലയില്‍ കൊതുക് ഉറവിട നശീകരണവും ഫോഗിങ്ങും ശക്തമാക്കി. ഹൊമിയോ ഡിസ്പന്‍സറി മുഖേന പ്രതിരോധ മരുന്ന് വിതരണവുംബോധ വല്‍കരണവും നടത്തി.
ഡെങ്കി പടര്‍ന്നു പിടിച്ച പഞ്ചായത്തിലെ 10, 11, 12 വാര്‍ഡുകളില്‍പ്പെട്ട വട്ടച്ചിറയില്‍ മെഡിക്കല്‍ ക്യാമ്പ് നടത്തി. ഓരോ വാര്‍ഡിലും മെംബര്‍മാര്‍ നേതൃത്വം നല്‍കി.
ശുചീകരണ പ്രവര്‍ത്തനവും പ്രതിരോധ പ്രവര്‍ത്തനവും നടത്തും. ഡെങ്കിപനി വ്യാപകമായതോടെ ജാഗ്രതാ നിര്‍ദ്ദേശവുമായി ആരോഗ്യ പ്രവര്‍ത്തകരും രംഗത്തിറങ്ങിയിട്ടുണ്ട്. പനി ബാധിത മേഖലയില്‍ സൗജന്യ റേഷന്‍ നല്‍കണമെന്ന ആവശ്യവും ശക്തമായിട്ടുണ്ട്.