പേരാമ്പ്ര: ശബരിമലയില്‍ അരങ്ങേറുന്നത് സി.പി.എം, ബി.ജെ.പി നേതാക്കളുടെ ബുദ്ധിയിലുദിച്ച ഒളിയജണ്ടകളാണെന്നും ഈ കെണിയില്‍ യഥാര്‍ഥ വിശ്വാസികള്‍ വീഴില്ലെന്നും സംസ്ഥാന യൂത്ത് ലീഗ് ജന. സെക്രട്ടറി പി.കെ ഫിറോസ് പറഞ്ഞു.
യുവജന യാത്രയുടെ പ്രചരണാര്‍ത്ഥം ചങ്ങരോത്ത് പഞ്ചായത്ത് മുസ്‌ലിം യൂത്ത് ലീഗ് സംഘടിപ്പിച്ച ഹൈവേ യാത്രയുടെ സമാപന സമ്മേളനം പാലേരിയില്‍ ഉദ്ഘാടനം ചെയ്യുകയായിരുന്നു അദ്ദേഹം. പഞ്ചായത്ത് യൂത്ത് ലീഗ് പ്രസിഡന്റ് സയ്യിദ് അലി തങ്ങള്‍ അധ്യക്ഷനായി.
യൂത്ത് ലീഗ് ദേശീയ വൈസ് പ്രസിഡന്റ് അഡ്വ.ഫൈസല്‍ ബാബു മുഖ്യപ്രഭാഷണം നടത്തി. എസ്.പി കുഞ്ഞമ്മദ്, സാജിദ് നടുവണ്ണൂര്‍, സി.പി.എ അസീസ്, എസ്.കെ അസ്സയിനാര്‍, കല്ലൂര്‍ മുഹമ്മദലി, ആവള ഹമീദ്, പാളയാട്ട് ബഷീര്‍, വി.പി റിയാസ് സലാം, ശിഹാബ് കന്നാട്ടി, മൂസ കോത്തമ്പ്ര, ആനേരി നസീര്‍, ടി.കെ ഇബ്രാഹിം, അസീസ് ഫൈസി, കെ.ടി അബ്ദുല്ലത്തീഫ്, എ.കെ.കെ തങ്ങള്‍, കെ.സി സിദ്ദീഖ്, എ.പി അബ്ദുറഹിമാന്‍, മൊയ്തു മൂശാരികണ്ടി, ഖാലിദ് പാളയാട്ട് എന്നിവര്‍ പ്രസംഗിച്ചു.
സയ്യിദ് അലി തങ്ങള്‍ക്ക് പതാക നല്‍കി സംസ്ഥാന യൂത്ത് ലീഗ് സീനിയര്‍ വൈസ് പ്രസിഡന്റ് നജീബ് കാന്തപുരം യാത്ര പന്തിരിക്കരയില്‍ ഉദ്ഘാടനം ചെയ്തു. ശിഹാബ് കന്നാട്ടി, ഉബൈദ് പുത്തലത്ത്, അസീസ് നരിക്കിലക്കണ്ടി, ടി.കെ റസാഖ്, പി.മുഹമ്മദ് റാഫി, സി.കെ ഷൈജല്‍, റഷിദ് കരിങ്കണ്ണിയില്‍ എന്നിവര്‍ നേതൃത്വം നല്‍കി.