ചണ്ഡീഗഡ്: ഹരിയാനയില്‍ ബി.ജെ.പി-കോണ്‍ഗ്രസ് പാര്‍ട്ടികള്‍ക്കെതിരേ യോഗേന്ദ്രയാദവിന്റെ സ്വരാജ് ഇന്ത്യയും മത്സരിക്കുന്നു. തെരഞ്ഞെടുപ്പ് മത്സരത്തിനുള്ള പണം ജനങ്ങളില്‍ നിന്ന് സ്വരൂപിച്ചാണ് ഇവര്‍ മത്സരിക്കുന്നത്. ഫണ്ട് സ്വരൂപിക്കുന്നതിന്റെ പ്രവര്‍ത്തനോദ്ഘാടനം ഇന്നലെ ആരംഭിച്ചു.
പൊതുജനങ്ങളില്‍ നിന്ന് അവരുടെ പണം ഉപയോഗിച്ചാണ് തെരഞ്ഞെടുപ്പിനെ നേരിടുന്നതെന്ന് യോഗേന്ദ്ര യാദവ് അറിയിച്ചു. പാര്‍ട്ടിയുടെ വളണ്ടിയര്‍മാര്‍ ഓരോ വീടുകളിലും കയറി ജനങ്ങളില്‍ ബോധവത്കരണം നടത്തിയാണ് ഫണ്ട് സ്വരൂപിക്കുന്നത്. ഓരോരുത്തരുടെയും കഴിവിനനുസരിച്ച് പണം വാങ്ങിക്കാനാണ് തീരുമാനമെന്ന് പാര്‍ട്ടി അധ്യക്ഷന്‍ പറഞ്ഞു.