അഹമ്മദാബാദ്: ഗുജറാത്തിലെ രണ്ട് നിയമസഭാ മണ്ഡലങ്ങളിലേക്കുള്ള ഉപതെരഞ്ഞെടുപ്പ് തിയതിയും തെരഞ്ഞെടുപ്പ് കമ്മിഷന്‍ പ്രഖ്യാപിച്ചു. കഴിഞ്ഞ ദിവസം നാല് മണ്ഡലങ്ങളിലേക്കുള്ള ഉപതെരഞ്ഞെടുപ്പ് തിയതി പ്രഖ്യാപിച്ചിരുന്നു. നിലവില്‍ ഏഴുസീറ്റുകള്‍ ഇവിടെ ഒഴിഞ്ഞുകിടക്കുന്നുണ്ട്.
രാധന്‍പൂര്‍, ബയാദ് സീറ്റുകളിലേക്കുള്ള ഉപതെരഞ്ഞെടുപ്പാണ് ഇന്നലെ പ്രഖ്യാപിച്ചത്. ഈ രണ്ട് സീറ്റുകളിലും കോണ്‍ഗ്രസ് സ്ഥാനാര്‍ഥികളായി മത്സരിച്ച് ജയിച്ച അല്‍പേഷ് താക്കൂര്‍, ധാവല്‍സിങ് സാല എന്നിവര്‍ രാജിവച്ച് ബി.ജെ.പിയില്‍ ചേര്‍ന്നതിനെ തുടര്‍ന്നാണ് ഒഴിവു വന്നത്. അമരെയ്്‌വാദി, താരാഡ്, ലുനാവാഡ, ഖെരാലു എന്നീ സീറ്റുകളിലേക്കുള്ള ഉപതെരഞ്ഞെടുപ്പ് തിയതിയാണ് കഴിഞ്ഞ ശനിയാഴ്ച തെരഞ്ഞെടുപ്പ് കമ്മിഷന്‍ പ്രഖ്യാപിച്ചത്.