പാലാ: പാലാ ഉപതെരഞ്ഞെടുപ്പില്‍ വിജയിക്കുമെന്ന ആത്മവിശ്വാസം പ്രകടിപ്പിച്ച് എല്‍.ഡി.എഫ് സ്ഥാനാര്‍ഥി മാണി സി കാപ്പന്‍. കെ.എം മാണിക്കു ശേഷം പാലായെ മറ്റൊരു മാണി നയിക്കുമെന്ന് അദ്ദേഹം പറഞ്ഞു.

ഇത്തവണ പാലായില്‍ മാറ്റമുണ്ടാകും. ജയിക്കുമെന്ന് 101 ശതമാനം ഉറപ്പ്. ഒന്നാമതായി വോട്ടു ചെയ്തത് ഒന്നാമനാകാന്‍ പോവുന്നതിന്റെ സൂചന. അസംതൃപ്തരായ യു.ഡി.എഫിലെ ഒരു വിഭാഗത്തിന്റെ വോട്ട് ലഭിക്കും. 78 ശതമാനം പോളിങ് നടക്കുമെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു. വോട്ടെണ്ണുന്ന ദിവസം ഇതേ സന്തോഷത്തോടെ പ്രതികരിക്കുമെന്ന് അദ്ദേഹം കൂട്ടിച്ചര്‍ത്തു. കുടുംബസമേതം എത്തിയാണ് അദ്ദേഹം വോട്ട് ചെയ്തത്.