വാണിമേല്‍: സ്‌കൂളും പരിസരവും ഒപ്പം ഗ്രാമം മുഴുവന്‍ പ്ലാസ്റ്റിക് മാലിന്യ മുക്തമാക്കുക എന്ന ലക്ഷ്യത്തോടെ ചെറുമോത്ത് എം.എല്‍.പി സ്‌കൂള്‍ വിദ്യാര്‍ഥികള്‍ ഹരിതസേനക്ക് രൂപം നല്‍കി. വീടുകളും പൊതുസ്ഥലങ്ങളും കേന്ദ്രീകരിച്ച് 36 അംഗ ടീം ആരോഗ്യ പ്രവര്‍ത്തകരുടെയും മറ്റും സഹകരണത്തോടെ മാലിന്യമുക്ത ഗ്രാമത്തിനായി പ്രവര്‍ത്തിക്കും.
പദ്ധതിയുടെ ലോഗോ പ്രകാശനം പഞ്ചായത്തംഗം ടി.എം.വി അബ്ദുല്‍ ഹമീദ് ടീം ലീഡര്‍ പി. സിയാ നസ്‌റിന് നല്‍കി നിര്‍വഹിച്ചു. പി.ടി.എ പ്രസിഡന്റ് കോറോത്ത് അഹമ്മദ് ഹാജി അധ്യക്ഷനായി. ചിത്രകാരന്‍ സത്യന്‍ നീലിമ കാന്‍വാസില്‍ വരച്ച തനിമയാര്‍ന്ന പ്രകൃതി ചിത്രത്തിന് അധ്യാപകരും വിദ്യാര്‍ഥികളും നാട്ടുകാരും കയ്യൊപ്പ് ചാര്‍ത്തി. സ്‌കൂള്‍ മാനേജര്‍ എം.വി അബൂബക്കര്‍ ഹാജി, പ്രധാനാധ്യാപകന്‍ പി.വി ധര്‍മ്മരാജന്‍, ടി.സി സുബൈര്‍, കെ.പി കുഞ്ഞാലി ഹാജി, കെ.പി നസീര്‍, പി.കെ ഷക്കീല, പി.കെ ഖാലിദ്, കുറുമാഞ്ഞി അമ്മദ് ഹാജി, കെ.പി ജമീല, നംഷിദ് കുനിയില്‍, ടി.വി രഞ്ജിനി, ആര്‍. സഫ്‌വാന്‍ സംസാരിച്ചു.