കൊല്ലം: ശബരിമല വിഷയത്തില്‍ സുഗത കുമാരി നടത്തിയ പരാമര്‍ശത്തിനെതിരെ ആഞ്ഞടിച്ച് എഴുത്തുകാരി കെ.ആര്‍ മീര. ശബരിമലയില്‍ പ്രവേശിച്ചാല്‍ സ്ത്രീകളുടെ ലിംഗനീതി ഉറപ്പാകില്ലെന്ന സുഗതകുമാരിയുടെ പരാമര്‍ശത്തെ വിമര്‍ശിച്ചാണ് കെ.ആര്‍.മീര രംഗത്തെത്തിയത്. ലിംഗനീതി എന്ന പദത്തിലൂടെ ലിംഗമുള്ളവര്‍ക്ക് നീതി എന്നായിരിക്കുമോ കവി ഉദ്ദേശിക്കുന്നത് എന്ന് മീര ഫെയ്‌സ്ബുക്കില്‍ കുറിച്ചു.

ഒരു ചാനല്‍ ചര്‍ച്ചക്കിടെയായിരുന്നു സുഗത കുമാരിയുടെ പ്രതികരണം. ശബരിമലയില്‍ സ്ത്രീകള്‍ പ്രവേശിച്ചാല്‍ അവരുടെ പദവി ഉയരുമോ എന്നായിരുന്നു സുഗതകുമാരിയുടെ ചോദ്യം.
കേരളത്തിലെ സ്ത്രീകള്‍ നേരിടുന്ന ഏറ്റവും വലിയ പ്രശ്‌നം ശബരിമല പ്രവേശനമാണോ എന്നും സുഗതകുമാരി ചര്‍ച്ചക്കിടെ ആരാഞ്ഞിരുന്നു