ഗുരുവായൂര്‍: ഗുരുവായൂര്‍ ഏകാദശിയോടനുബന്ധിച്ച് ഗുരുവായൂര്‍ ദേവസ്വം നല്‍കുന്ന 'ശ്രീഗുരുവായൂരപ്പന്‍ ചെമ്പൈ പുരസ്‌കാരം' പ്രസിദ്ധ കര്‍ണാടക സംഗീതജ്ഞന്‍ പാല സി.കെ രാമചന്ദ്രന് സമ്മാനിച്ചു.
ചെമ്പൈ സംഗീതോത്സവ ഉദ്ഘാടന സമ്മേളനത്തില്‍ ദേവസ്വം മന്ത്രി കടകംപള്ളി സുരേന്ദ്രനാണ് പുരസ്‌കാരം സമ്മാനിച്ചത്.
മന്ത്രി കടകംപള്ളി സുരേന്ദ്രന്‍ ഭദ്രദീപം തെളിയിച്ച് ഉദ്ഘാടനം ചെയ്തു. ദേവസ്വം ചെയര്‍മാന്‍ അഡ്വ. കെ.ബി മോഹന്‍ദാസ് അധ്യക്ഷനായി. മന്ത്രി വി.എസ് സുനില്‍കുമാര്‍ മുഖ്യാഥിതിയായി. ദേവസ്വം ഭരണസമിതിയംഗങ്ങളായ എം. വിജയന്‍, ഉഴമലയ്ക്കല്‍ വേണുഗോപാല്‍, പി. ഗോപിനാഥന്‍, എ.വി പ്രശാന്ത്, ദേവസ്വം അഡ്മിനിസ്‌ട്രേറ്റര്‍ എസ്.വി ശിശിര്‍ പ്രസംഗിച്ചു. പാല സി.കെ രാമചന്ദ്രന്‍ മറുപടി പ്രസംഗം നടത്തി.